 |
| رمزي نخل يقبّل عتبة باب شربل بعيني |
ـ1ـ
عجبتني.. عجبتني كتير
أقوى منها ما بيصير
فيها ملاّح وفقير
"وزهير الباشا" القدير
والشام الـ غزلت حرير
وقالتلو: يا شربل طير
بعدو الطاغوت الحقير
عم يتلاعب بالمصير
حملّك عصاية تحرير
واضرب فيها ليل نهار
بركي بتوعّي الضمير
ـ2ـ
عجبني كتاب "الملاّح"
الـ عم بيفتّش ع ربّو
ما أكترهن هالصلاّح
الـ أللـه ولا مرّه حبّوا
يمكن "زهير" الإصلاح
"الثوره" خبّاها بعبّو
وقدّمها لشربل وراح
يضوّيلو طرقات الحب
بركي منمشي ع دربو
صدى لبنان، العدد 634، 21/2/1989
**
